22 may 1928-ci ildə Bakı şəhərində, Azərbaycanda göz açıb. 1946-ci ildə Ə.Əzimzadə adına Dövlət incəsənət məktəbini bitirib. Sonra Leninqradda İ.E.Repin adına rəssamlıq, heykəltaraşlıq və inşaat institutunda təhsil alıb. 1958-ci ildən 1969-cu ilə qədər Rəssamlar İttifaqının İdarə Heyətinin üzvü olub. 1967-ci ildən 1969-cu ilə qədər üç dəfə şəhər şurasının sədri seçilib. 1970-2000 illər arasında Azərbaycan Mədəniyyət və İncəsənət universitetində dərs deyib. 1970-ci ildə İqtisadi Nailiyyətlər Sərgisinin gümüş ordeni ilə təltif olunub. 1969-cu ildə Azərbaycanın əməkdar rəssamı adına layiq görülüb. Nadir Qasımovun işləri muzeylərdə və şəxsi kolleksiyalarda-Azərbaycanda, ABŞ-da Fransada, Almaniyada, Türkiyədə, İspaniyada Bolqariyada, Çexiyada saxlanılır. Nadir Qasımov 10 mart, 2000-ci ildə Bakı şəhərində vəfat etmişdir.