19 dekabr 1921-ci ildə Bakı şəhərində anadan olub.

1935-1939 – Azərbaycan Dövlət Rəssamlıq Məktəbində təhsil alıb.

1949 – V.İ.Surikov adına Moskva Dövlət Rəssamlıq İnstitutunu bitirib.

1955 – Azərbaycan SSR Əməkdar İncəsənət Xadimi adına layiq görülüb.

1958 – SSRİ Rəssamlar Akademiyasının müxbir üzvü seçilib.

1958-1962 və 1974-1979 –Azərbaycan SSR Ali Sovetinin deputatı seçilmişdir.

1963 – SSRİ Xalq Rəssamı fəxri adına layiq görülüb.

1962 – “Bakılının gözləri ilə” kitabının müəllifidir.

1970 – C.Neru adına Beynəlxalq mükafat laureatı olub.

1988 – Rəssamlıq Akademiyasının həqiqi üzvü seçilib.

Lenin ordeni, Oktyabr İnqilabı ordeni və Xalqlar Dostluğu ordeni ilə təltif edilib, SSRİ Lenin Mükafatı laureatı olub.

Suveren Azərbaycanın «İstiqlal» ordeni ilə təltif olunub.

Mikayıl Abdullayevin əsərləri o cümlədən Madriddə, Milanda, Kiotoda sərgilənmişdir.  Onun əsərləri dünyanın bir çox muzeylərində və şəxsi kolleksiyalarda saxlanılır:  Tretyakov qalereyası, Drezden qalereyası, Azərbaycan Milli İncəsənət Muzeyi,  Bakı Dövlət Rəsm qalereyası, Bakı Müasir İncəsənət Muzeyi və b.

21 avqust 2002-ci ildə Bakı şəhərində vəfat edib.